Abian da Bizkaiko Xendazaletasun VI. Liga
Igandean, martxoak 19, hasi zen Bizkaiko VI. Xendazaletasun Liga. Hitzordua Mungian izan zen Tallu KK-ren eskutik. 300 pertsona inguru bildu ziren GR 280 Uribe bidezidorraren 6. etaparen zati bat egiteko. Guztiak kirol honen zale sutsuak dira eta horietako asko Xendazaletasun Ligako partaide beteranoak.
Martxa Mungiako erdigunean hasi zen, eta handik, GR 280tik jarraituz, Urrestiraino joan ziren, Butroeko gaztelutik gertu igaro eta Gatikatik abiapuntura itzuliz. 18 km inguru egin ziren inguruko baserri ederrez gozatzeko aukera izan zen landa-ingurunean.
Topaketarako eguna izan zen, eta Bizkaiko hainbat klubetako mendizale berriro elkartu egin ziren, eta euren esperientziak 
partekatu ahal izan zituzten.
Ibilaldia bukatutakoan, Bizkaiko V. Xendazaletasun Ligako finalistei diploma, Mendiz Mendi mahai-jokoa eta edari bat eta Mungiako tabernaren batean pintxo bat kontsumitzeko bonua eman zitzaizkien.
BMF-FVMk martxaren antolakuntza bikaina nabarmendu nahi du, eta eskerrak eman nahi dizkie Tallu KK-ri eta antolakuntzan parte hartu zuten boluntario guztiei, egindako lan handiagatik.
Gogorarazi nahi dizuegu hurrengo hitzordua apirilaren 23an izango dela, Sopelan, GR 280 eta 123 taldeen zati bat zeharkatzeko.
Hurrengo albunetan ikus ditzakezue ibilaldian egindako argazki batzuk:
