Andrés de Regil XLVI Zeharkaldia
Martxoaren 18an, Kantabriako Fuente Dé herrian, Europako Mendien bihotzean, Regil Zeharkaldiaren 46. edizioa burutuko da. Zeharkaldia Euskal Herriko Kopako azken proba izango da, eta, aldi berean, Bizkaiko Mendi Federazioaren Herri Martxa egingo da.
Andrés de Regil zeharkaldia mendiko eskiaren bultzatzaileetako bat omentzeko sortu zen, eta gaur egun modalitate horretako proba klasikoa da. Ingurune ikusgarrian egiten da, eta aukera ona da modalitate honetan hasi nahi duten guztientzat.
