2023ko memoria Rogaine Urkiola-Eskuagatx

URKIOLA-ESKUAGATX ROGAINEA 2023ko IbeRogaine Ligako 5. froga izan zen, eta Urkiolako Parke Naturalean jokatu zen (Bizkaian), 2023ko urriaren 28an.

Orientazio proba honetarako, aukeratu zen eremua Saibi-Eskuagatx izan zen, orientazio kirola egiteko inoiz kartografiatu gabeko eremua. Hegoaldean Urkiolako (Abadiño) portuaren eta Dimako portuaren arteko eremua, eta Errieltabaso, Eskuagatx eta Kanpantorretako kareharrizko tontorretatik hedatzen dena, bere maldak Mañaria eta Dimaraino erortzen direlarik.

Froga egin zen 13 Km² inguruko eremua, Abadiño, Mañaria eta Dima herri bizkaitarrei dagozkie, herri hauen hiriguneak lehiaketa eremutik urrun dauden arren.

ESKUAGATX MENDILERROA

Rogaine modalitateko orientazio lasterketa hauen ezaugarri nagusia bisitatu beharreko kontrolak orden librean pasa daitezkeela da, aukeratzeko estrategian oinarritzen delarik, talde lanean eta distantzia luzeko nabigazioan, denbora muga batekin, non parte hartzaileak 2 eta 5 bitarteko lagun-taldeetan lehiatzen diren.

Ibilbidearen ordena librea da, kontrol bakoitzak lasterketaren hasieratik ezagutzen den puntuetan balio bat du, froga hasi baino 15 minutu lehenago egongo diren kontrolekin mapa eta haien balioa entregatzen denean, taldeak bere estrategia garatu behar du taldekideen gaitasun fisikoan eta teknikoan oinarrituta.

Talde bakoitzaren helburua zehaztutako denboran puntu gehien lortzea da. Antolakuntzak ezarritako denbora-muga gainditzeak puntuak kentzen dituzten zigorrak dakartza. Kontrolak lurrean iltzatutako orientazio-balizekin markatuta daude, 30 x 30 zm-ko oihal-prisma triangeluar laranjaz eta zuriz osatua.

Parte hartzaileak adinez banandutako maila desberdinetan banatzen dira, nagusiak, beteranoak, super beteranoak edo juniorrak. Bestalde adin-maila bakoitzean soilik mutilek, soilik neskak edo talde mixtoan parte hartzen dutelarik.

Urkiolako Rogainearen kasuan 7 ordutako froga izan zen orientazioan edo mendian federatutakoentzako, eta 3 ordutako froga herrikoian parte hartu zuten orientazio frogetan gutxiago ibilitakoek edo baliza bila ordu gutxiago ibili nahi izan zutenek.

Bestalde 7 orduko frogan beterano/gaztetxo eta baita 3 ordukoan familiar maila egon ohi dira, etxe berdineko parte hartzaileen artean ezagutza gazteeneri pasatuz parte hartzeko eta adin desberdinetako parte hartzaileek batera lehiatu ahal direla argi geratuz.

ESKUAGATX TONTORRETIK IZEN BEREKO MENDILERROAREN IKUSPEGIA

Lur eremuari eta mapari dagokienez, 2023an kartografiatu da orientazio-probarako bereziki, 1:15000 eskalan, eta 10 m-ko sestra-kurben arteko distantziakidetasunaz.

Mapak xehetasun ugari ditu, bai karearrizko zonaldeetan baita landarediari dagokionez. Izan ere, bide-sare ugariarekin eta sestra-kurben ezinbesteko laguntzarekin, estrategia bat bideratu eta planifikatu daiteke ahalik eta baliza gehien bisitatu ahal izateko, muga-denbora gainditu gabe. Izan ere, lehenengo 5 minututan berandu iristeak 5 puntu kentzen ditu, hurrengo 5 minutuetan 10 puntu galtzen dira, eta horrela, hurrenez hurren, helmugako itxituraraino. Azken hori muga-ordutik ordu erdi pasatakoan izan ohi da, eta hortik aurrera taldea deskalifikatu egingo litzateke.

Gainera, balizek puntuazio desberdina dute, zailtasun teknikoaren, urruntasunaren edo desnibelaren arabera; beraz, hasierako estrategiaren barruan sartzen da zein baliza bisitatu eta zein baztertu. Hala ere, 3 edo 7 ordutan denbora ematen du estrategia nahi adina aldiz aldatzeko, mapak bakoitza bere lekuan jartzen baitu, zeren eta lur-mota bakoitzean abiadura desberdinean egiten da aurrera.

2023-ko URKIOLA-ESKUAGATX ROGAINEKO MAPA

Eskuagatxeko lur-eremua karstikoa denez, hainbat sakonune, kobazulo, korridore eta ebakidurarekin, lapiaz edo bloke-anabasarekin, askotan bi aldiz pentsatu behar da, hobe bada lerro zuzenean joatea edo leku borrokalarienak inguratzea denbora eta ahalegina aurrezteko.

Hona hemen orientazio-mapetako elementu bereizgarrienetan erabilitako legendaren adibidea: