BMFko Kirol Eskolako monitorreak

Gorka Agosti Beobide

Mendi ertaineko TD2 tituluduna da.

Euskal herriko mendietan hasitakoa da. Urteetan zehar Aunamendietan zein Alpeetako bazterretan goi mendiko jarduerez gozatua hartutako pertsona.

Bere ustez arkaitz eskalada, izotz eskalada, mendiko eskia eta neguan goi mendiko jarduerak, bidezidorretako txangoetatik hasten dira. Mendizaletasunak liluratuta dauka, hori dela eta, mendiak ematen duena, bere osotasunean ondorengo belaunaldiei transmititzeko gogoa dauka.

Baloreak, lehentasunak, natura, kultura… Euskera zale amorratua!

Mikel Gómez

Mendi ertaineko kirol teknikaria (TD2) eta Arroilen Jaitsieretako kirol teknikaria (TD2).

Gaztetatik piztu zitzaion mendirako zaletasuna, bere auzoko nagusiekin aktiboki parte hartuz bere betiko mendi taldean. Euskal Mendizale Federazioko Alpinismo Teknifikazio Taldeko kide izan zen. Eskarmentu handia du, besteak beste, Sierra de Guaran arroilen gidari gisa eta abentura anitzeko enpresetan begirale bezala.

Mendizale amorratua, mendizaletasun klasikoaren kultura handia du. Mota guztietako mendiak zeharkatu ditu (Euskal Herria, Pirinioak, Europako Mendiak, Alpeak, Boliviako Andeak, Atlas mendikatea, besteak beste). Bereganatutako esperientzia guzti hau modu didaktiko eta motibatzailean helarazten die txikienei.

Nekane Unzueta

Mendi ertaineko TD2an titulatua da.

Emakume alaia, dinamikoa eta bizitza zein natura zalea. Urte askotan zehar familia, lagun, mendi talde eta abarrekin batera Euskal Herriko eta Pirinioetako mendietatik ibili ondoren, mendiarekiko maitasuna modu naturalean transmititzeko gaitasun handia zuela konturatu zen. Horregatik, Mendi Ertaineko TD2 formakuntza egitea erabaki zuen, oro har beste pertsona batzuei mendiarekiko zaletasuna eta grina modu seguruan pizten jarraitzeko, baita natura zaintzeko garrantzia ere.

Gaur egun, multinazional bateko zerbitzu-koordinatzaile gisa egiten du lan eta Bizkaiko Mendi Federazioan Eskola Kirola Programako kirol-teknikari lanarekin uztartzen du. Mendian duen esperientzia, jendea motibatzeko eta taldea indartzeko duen ahalmena eta haur zein gazteekin enpatizatzeko duen trebetasuna gurekin partekatu nahi du.

Mikel Pardo

Mendi ertaineko TD2 tituluduna da eta nazio arteko UIMLA elkarteko partaidea.

Gaur egun Bergidak mendi enpresan ari da, honen sortzailea izanik. Bertan igoeretan eta ibilbideetan gidatzen jarduten da, baita ikastetxeei zein partikularrei ikastaroak ematen ere.

Mendizale sutsua, udako zein neguko jardueretan alpinista nekaezina Euskal Herriko nahiz kanpoko mendikateetan, Pirinioetatik Alpeetaraino.

Umeekin harremanatzerako orduan hurbiltasuna erakusten du eta irakasteko orduan pazientzia handia duen pertsona da.

Aitzol Doyharzabal

Goi Mendiko TD2an eta arroiletako TD2an titulatua da.

Alpinismo, eskalada eta eskiko zale amorratua. Txiki txikitatik bere guraso zein osabak transmitituta natura hurbiletik bizi eta maitatu izan du. Horrek era berean ume zein helduei transmititzeko gogoa eta ilusioa piztu zion, horregatik duela urte batzuk lantegia utzi eta bere kabuz gidatzen hasteko erabakia hartu zuen. Haurtzarotik Euskal Herriko zein Auñamendiko mendietan ibili izan da, 17 urte zituenean Alpeetako Mont Blanc gailurra igo zuen eta 19rekin Andeak ezagutu zituen. Geroztik urtaro ezberdinetan Alpeetako makina bat mendi igo ditu eta Mont Blanc, Monter Rosa edota Cervino bezalako mendiak bere herria bezain ondo ezagutzen ditu.

Jon Alzibar

Mendi ertainekoa gidaria, arroiletako T2 gidaria, goi-mailako kirol-teknikaria eta BTT gidaria.

Euskal Herriko tontorrekin maiteminduta dagoen mendizale amorratua, baina Iberiar penintsulan eta munduan barrena ibilitakoa. Abentura-kirolen zale amorratua da, eta esperientzia handia du bere modalitate profesional guztietan. Naturarekin lotura izan du jaio zenetik eta betidanik gustoko izan du bere jakituria besteekin partekatzea. Mutil alaia eta dinamikoa da, anekdotekin aldaparik gogorrena ere girotzeko gai dena.

Gaur egun, mendi eta arroilen gidaritzan lanak  irakasle lanekin aritzen da naturari etekinik handiena ateratzeko asmoz.

Asier Calleja

Mendi ertaineko TD2 tituluduna da.

Txikitatik mendiarekin lotura estua izan du, denboraren poderioz bere ikaskuntza handituz joan da eta modalitate ezberdinak praktikatzeko aukera eman dio; mendian paseoak ematetik, eskalatzera, zeharkaldiak egitera, alpinismora…

Denborarekin ikasten joan dena transmititzea beti izan du gustuko. Baina ez bakarrik arlo teknikoa, hortik haratago, mendian jasotzen diren bizipenak eta ikasketak transmititzea ere gustatzen zaio.

Euskal Herriko mendietan, Piriniotan, Alpetan eta Amerikar kontinenteko hainbat menditan ibilitakoa da.

Ahal duen gehienetan mendian egotea du helburu.

Ioritz Aramendi

Mendi ertaineko TD2an eta Arroiletako TD2an titulatua da. Gizarteratzeko goi-mailako teknikaria.

Mendian gurasoen eskutik eman zituen lehen urratsak. Pixkanaka modalitate ezberdinak ezagutzen joan zen eta gaur egun mendiaz gozatzen du bere alde guztietan: eskaladan, eskian, arroiletan, BTTa eginez…

Lortutako esperientzia eta titulazioei esker, bere pasioa ofizio bihurtu zuen. Horren ondorioz, 10 urte inguru eman ditu abentura kirolen sektorean lanean.

Gaur egun, gidari lanak eta ikastola bateko hezitzaile lana uztartzen ditu.

Kepa Otaegi

Mendi ertaineko kirol teknikaria (TD2), aisialdiko begirale eta zuzendari tituluduna.

Mendi eskian esperientziaduna, txapelketa desberdinetako antolakuntzan parte-hartzen du Picos de Europa eta Pirinioetako toki desberdinetan. Era berean, arroilen jaitsiera zein mendiarekin zerikusia duen edozein jarduerarekin eroso sentitzen da. Euskal Herriko mendietan, Pirinioetan, Alpeetan, etab., ibilitakoa, bai neguan zein udan.

Gaztetatik uztartu izan ditu mendiko zaletasuna eta gazteekin begirale eta zuzendari gisa aritzea udaleku eta aisialdiko ekintzetan. Gure txokoetako kultura eta naturaren jakituna, txiki zein helduei jakintza hori helarazteko gogotsu agertzen da beti.

Oihana Quesada

Mendi Ertaineko Kirol Teknikaria eta Jarduera Fisikoaren eta Kirolarien Zientzietako lizentziatua.

Islandia, Groenlandia, Maroko, Pirinioak eta Euskal Herriko mendietan gidari moduan ibili da. Multiabentura ekintza ezberdinetako enpresetan lanean ibilitakoa. Gaur egun, mendiko lana Gorputz Hezkuntzako Irakasle lanarekin tartekatzen du.

Errekurtsodun pertsona alaia eta mendiaren maitale handia bere modalitate ezberdinetan (Eskalada, Mendiko eskia, Btt-a, Treking-a, Mendi korrikalaria…) beti munduko txoko ezberdinetan esperientzia eta abentura berrien bila.

Mikel García

Mendi ertaineko TD2 eta aisialdiko begirale tituluduna.

Txikitatik gurasoen eskutik Durangaldeko mendietara joaten hasi zen eta haiengandik natura eta mendia maitatzen ikasi zuen. Handik aurrera mugak zabalduz beste mendi batzuetara joaten hasi zen: Pirinioetara, Europako Haitzetara. Mendiko bizikletan bidaiak egin ditu, baita ume txiki zein nagusiekin mendiko udalekuetan parte hartu ere.

Azken urteetan ere bidaia enpresa batekin mendiko gidari lanak egin ditu, pertsona nagusiei zein adin txikikoei Euskal Herriko mendi eta natur txokoak erakusten.

Julen Hernando

Mendi ertaineko TD2an eta Arroiletako TD2an titulatua da. Kirol eta Jarduera Fisikoetako teknikaria.

Mendiarekiko eta naturarekiko maitale amorratua. Umetatik mendian murgilduta ibili izanaren sortea aprobetxatuz, gurasoengandik jaso dituen baloreak transmititzea du helburu nagusi.
Espeleologia, alpinismoa, eskia, harkaitz zein izotz eskalada praktikatzeko beti prest. Alpeak, Atlasak, Andeak, Pirinioak… non nahi.
Bere gidaritza lanetan, Leaktibai izenean sortu duen abentura enpresarekin aritzen da urtean zehar.

Gozatzea eta gozaraztea, beti ere euskera abiapuntutzat hartuta, bere oinarri nagusia!

Josu Linaza

Goi Mendiko TD2an, Arroiletako TD2an, eta Jarduera Fisikoaren eta Kirolarien Zientzietako Graduan titulatua da.

Eskalatzaile motibatua, Euskal Herriko eta Pirinioetako zenbait hormetan eskalada bideak zabaldu dituena, bai eskalada librekoak eta baita artifizialekoak ere. Alpinismoaren parte diren modalitate ezberdin guztiak praktikatzen ditu. Urtean zehar dituen egun libreak aprobetxatzen ditu mendian eskiatzeko, harrian zein izotzean eskalatzeko. Euskal Mendizale Federazioko “Alpinista Gazteen Teknifikazio Taldeko” kidea izandakoa da eta gaur egun Goi Mendiko TD3 mailan sartzeko prestatzen ari da.

Zigor Ruiz

Mendi-ertaineko TD2 tituladuna (AEGMko eta UIMLAko kidea), soroslea eta bizikleta-ibilbideetako gidaria.

Mota guztietako kirolak maite ditu, bereziki mendiarekin eta naturarekin lotutakoak (trekkinga, eskalada, eskia, arroilak, BTT), eta Euskal Herriko eta Pirinioetako mendien ezagutza zabala du.

Urte askotan zehar beste sektore batzuetan aritu ondoren, bere pasioaren aldeko apustua egitea eta ikastea erabaki zuen eta, gaur egun, haur eta gazte taldeekin naturan egindako hainbat jardueretan lan egiten du. Izaera lagunkoia eta jarrera proaktiboarekin, mendian duen esperientzia partekatuz gozatzen du, beti ikasten jarraitzeko prest.

Iker Martínez

Mendi ertaineko TD2an tituluduna eta eskola kiroleko begiralea da.

Edonolako kirolak gustuko ditu, baina batez ere mendia eta naturarekin lotura dituztenak; trekking-a, mendiko bizikleta, eskalada, mendiko eskia… Abentura eta bidaizale amorratua izanik bizikletan nahiz oinez mendikate eta herri ezberdinak ezagutu ditu: Eskozia, Islandia, Kirgistan, Pirinioak, Atlasak, Alpeak…

Mutil alaia eta umeekiko pazientzia handikoa, eskolaz kanpoko kiroletan eta aisialdirako begirale lanetan ibilia. Besteekin bere bizipenak partekatzea eta irakastea gustatzen zaio.

Oier Núñez

Mendi ertaineko TD2an, Arroiletako TD2an eta Alpetar eskian TD1an titulatua da. Kirol eta Jarduera Fisikoetako teknikaria eta Haur Hezkuntzan graduatua ere.

Ubide Abentura enpresari esker multiabentura jarduerak kudeatzen eskarmentu handia dauka. Gaur egun Bizkaiko Mendi Eskola Kirola programako arduraduna da, bertan 8-17 urte bitarteko umeentzako mendiarekin loturak dituen jarduera ezberdinak kudeatzen ditu.

Eskiatzaile, barrankista, mendizale eta Euskal Herriko, Guara mendikateko eta Pirinioetako mendiak eta arroilak ondo ezagutzen dituen pertsona da. Bere bizitza mendiari lotuta dago.

En caso de no disponibilidad de monitores, la BMF-FVM se reserva el derecho de contratar otros monitores siempre que cuenten con la titulación TD2 en la disciplina requerida y sean bilingües para los cursos y/o actividades en euskera.